Antony Blinken a konfirmá: Ku Martinelli i su famia no por drenta Merka mas

WASHINGTON – Antony Blinken sekretario di estado merikano a konfirmá ku eks presidente panameño Ricardo Martinelli i hinter su famia no por drenta Merka mas.
Departamento di hustisia merikano a proba ku Ricardo Martinelli i su dos yunan a aseptá $28 mion na soborno serka e kontratista Brasileño Odebrecht.
Esaki tabata a kambio di kontratonan pa drecha karetera i konstruí i mantenshon di edifisionan di gobiernu.
E informe aki a keda presentá na Ricardo Martinelli despues ku su dos yunan Luis Enrique i Ricardo Martinelli a kaba di sinta nan kastigu di prizon na Merka.
Esaki ta nifiká ku tur propiedat i fondonan ku Ricardo Martinelli i su famia tin na Merka a keda konfiská.
Ricardo Martinelli por bien lubidá ku elo por hasi nada ya ku e fondonan ku lo bai keda generá na benta di su propiedatnan lo keda entrega na gobiernu di Panamá pa lucha kontra kriminalidat.
Carlos Carrillo abogado di famia Martinelli a bisa ku e ya kaba tin un kaso pendiente pa frena e benta di propiedatnan ku Luis Enrique y Ricardo Martinelli tin na Merka.