Antonio Guterres: Sekretario di Nashonnan Uni ta di opinion ku humanidat lo por konosé un gera nuklear

WASHINGTON – Antonio Guterres sekretario general di Nashonnan Uni a bisa ku durante e último 50 aña nan ku a pasa e organisashon ku e ta representá a trata di tur forma pa evitá un gera nuklear.
Den kaso si mester bini un gera nuklear esaki posiblemente lo nifiká fin di humanidat i ta p’esei esaki lo mester keda evitá di tur forma segun Antonio Guterres.
Antonio Guterres a splika ku e gera ku tin entre Ukrania i Rusia a kuminsá un gera sin ningun motibu kontra Ukrania i ya kaba mundu a sinti su efektonan.
Tin hopi pais nan nivel global ta sufriendo di pobresa kaba i awor kombiná ku kosto di bida a subi drástikamente.
Antonio Guterres a manifestá ku si mester bini otro situashon asin’aki entre China i Taiwan esaki lo bai empeorá e situashon riba e planeta aki muchu mas.
Informashon ku Nashonnan Uni ta disponé di dje ta ku huntu entre tur e paisnan manera Merka, Rusia, Alemania, Fransia, Alemania, Iran i Nort Korea tin aproksimadamente 13.000 armanan nuklear.
Poko poko tin di e lidernan di e paisnan ku tin armanan nuklear ku ta dispuesto pa usa esakinan pa demostra nan poder riba e planeta aki.