Anthony Rizzo a empuhá kareda pa Yankees gana 1-0 den di 8 inning: Nestor Cortez den gran forma…

· E lansado slengu di New York Yankees Nestor Cortez tabata den gran forma ayera ora e la yega te den di 8 inning ku un “no hit no run” tirá, pa finalmente Yankees gana di Texas Rangers 1-0. Clay Holmes a relevá Cortez den di 8 inning i saka dos out pa sera e inning. Den serada dje inning ku Aaron Judge na primera despues ku e la konektá di hit, Anthony Rizzo ta bati un bala entre left i centerfield ku ta pika i Judge ta kore te home. Aroldis Chapman a tira e último inning pa salba e wega. Clay Holmes a gana 4-0.