Anthony Fauci a anunsiá ku elo bai retirá komo Epidemiologo pa gobiernu

WASHINGTON – Anthony Fauci prinsipal Epidemiologo pa gobiernu merikano a anunsiá ayera ku pa luna di desèmber elo renunsia di e posishon importante aki.
E funshon komo Epidemiologo pa Dòkter Anthony Fauci a kuminsá na 1984 pero debí na e pandemia di Covid-19 su nòmber a kuminsá na 2020 durante e periodo di gobernashon di eks presidente Donald Trump.
Manera ta di komprondé Anthony Fauci lo bai kumpli 80 aña dia 24 di desèmber i asina lo baha komo direktor di Instituto Nashonal di Alergia i Enfermedatnan Infeksioso i tambe komo asesor di aktual mandatario.
Anthony Fauci a bisa ku ela yega di traha pa 7 presidente merikano i ta orguyoso di por a sirbi presidente Joe Biden durante último aña ku a pasa.
Joe Biden presidente merikano a bisa ku Anthony Fauci a hasi un trabou ekselente i ku ta di opinion ku a yega momentu pa e bai ku penshon i dediká tempu na su famia.