Internashonal
Animal Right a logra reskatá 4.000 kachó ku tabata bai keda usa pa eksperimentu
VIRGINIA – Kitty Block presidente di Animal Rights Foundation of America a konfirmá ku nan a logra reskatá un total di 4.000 kachó ku tabata bai keda usa komo eksperimento pa vários kompania farmaséutiko na Merka.
Ta trata aki di aktonan di krueldat kontra kachónan ku tin derecho di eksistensia segun Kitty Block.
Agentenan federal a tene entrada hudisial na e empresa Envigo RMS ku tabata kultivá e kachónan aki pa despues di bende esakinan ku diferente kompania farmaseutiko ku ta eksperimentu riba bestia.
Kitty Block a indika ku lokual ku Animal Rights Foundation of America ta bai hasi ta demanda e empresa Envigo RMS i ta spera ku hustisia ta prevalesé.
Aparentemente e kriadero di animalnan aki manera Envigo RMS tin años ta kometé aktonan kriminal kontra kachónan.