Ana Maria Pauletta: Millerson tabata duna kuenta tur tabata sa kua parlamento

WILLEMSTAD. Presidente di Parlamento sr. Millerson di felis memoria a introdusí un kustumber relato den kua e ta informá komunidat tokante e trabounan den Parlamento.
E Presidente di parlamento relato tabata keda produsí, 4 biaha pa aña, kada kuartal.
Den e relato Presidente di Parlamento tabata relatá e kantidat di reunionnan ku a yama, e biahenan ku a keda realisá i tambe e presensia di kada miembro di Parlamento na reunionnan.
E relato aki a trese un transparensia enorme, den e forma ku e Parlamento i kada miembro individual ta funshoná riba e terenonan ariba menshoná.
No ta tur Parlamentario tabata apresiá esaki, pero e relato a keda ampliamente apresiá pa komunidat en general.
Pauletta for di Suskrito a tuma nota ku for di 11 di mei 2021, e relato aki, no a keda emití mas. Esaki ta un echo lamentabel i e parlamentario a puntra sra. Presidente, si akaso lo nó saka e relato aki mas?
Nos por tuma nota di e konsternashon den komunidat pa ku biahenan di Parlamento i tambe presensia di diferente parlamentario na reunion.
E relato aki lo por trese por medio di sifra, informashon konkreto oferta di esakinan i ku asina aki e transparensia di banda di Parlamento.
Suskrito ta di opinion ku e inisiativa di sr. Millerson di felis memoria, a alsa e nivel di funshonamentu di Parlamento i brinda nos komunidat un hèrmènt di kontrol mas.
Pa e puntonan ariba menshoná a skohe pa manda e karta aki pa sra. Presidente, pa asina por haña un klaridat, pero mas ainda pa e komunidat por sa, sí nan lo por sigui haña informashon por medio di relato òf no.
Paulette ta keda pendiente pa un kontesta di banda di sra. Presidente.