Ámtenarnan di VVRP ta huramentá dia promé di yüli awor

Willemstad – Ministerio di Tráfiko, Transporte i Planifikashon Urbano (VVRP) ta anunsiá ku djaweps promé di yüli algun ámtenar den servisio di e ministerio, lo hasi nan huramentashon.

Esaki ta un paso grandi den e proseso pa yega na un aparato ku ta íntegro.

E ámtenarnan aki a sigui un training di integridat, i awor nan ta pasa pa e proseso di huramentashon.

E akto di huramentashon ta tuma lugá entre 10 or di mainta pa 12 or di mèrdia.

Esaki ta indiká ku durante e orario aki por sosodé ku e servisio na kliente di parti di e organisashon lo no ta esun mas optimal.

E organisashonnan di VVRP ta;
· Staf Ministerial
· Organisashon di maneho
· Servisio pa Obra Públiko
· Servisio pa Atministrashon i Maneho di Tereno Públiko (Domein)
· Servisio pa Tráfiko i Transporte (UO-VV)
· Servisio pa Planifikashon Urbano (ROP)
· Outoridat di Aviashon Sivil di Kòrsou (CBA)
· Outoridat Marítimo di Kòrsou (MAC)
· Servisio Meteorológiko Kòrsou (Meteo). Meteo si ta garantisá su servisio manera kustumbrá sin interupshon.

Ministerio di VVRP ta pidi su diskulpa pa kualke inkombeniensia ku esaki por trese.

Djaweps mèrdia 2or, e organisashonnan lo sigui duna servisio na komunidat manera kustumbrá.