Amtenar a tira piedra riba kaminda di minister Richardson

PHILIPSBURG—E dianan aki e minister di Hustisia di Sint Maarten tabata tema kontroversial atrobe pasobra ela keda sn tuma desishon si un residente dominikana por drenta e pais legalmente atrobe.
Reportamente e minister a imponé ku e dominikana mester tin “proof of return” pa Sint Maarten si nan tinun pèrmit di estadia temporal.
E señora a entrega su papeleo korektamente pero parse ku tinmasha trabou atrasá na Servisio di Atmishon na Sint Maarten.
E siman aki e minister a priminti ku e ta resolvé e asuntu e siman aki pero tur loke e mester hasi ta obedesé e desishon di korte pa e muhé di 49 por retorná su kas kaminda e ta biba for di 2016 na Sint Maarten.
Ela biaha pa su pais natal pa entiero di su mama for di mei pero awor no por drenta Sint Maarten.
Ofisialmente e ta “van rechtswege toegelaten” ki ta residente permanente pero na september servisio di Atmishon a ninga su petishon pa prolongá su estadia.
Meskos ku a pasa ku e kolombiano riba kual NOBO ta raportá awe, e señora aki a hasi su petishon for di 18 di oktober aña pasá pero ta wardando ketu bai.
Pa kolmo e kaso a yega na konosementu di parlamento pero e minister a ninga ku tin trabou atrasá.
E minister a menshoná nomber i fam dje amtenar ku ta responsabel pa e situason aki, Amador Muller, kende a a pidi e minister diskulpa pa su fayo.
E kaso aki ta tipikamente unu di amtenar kaprichoso ku ta hunga diktador.