Amtenar a haña retiro ku un aña di salario!

WILLEMSTAD. E sindikalista/abogado Amado Vilchez a batayá te den e instansia di mas haltu pa skapa trabou di su kliente, un señora ku a kumpli 31 aña di servisio di gobiernu na Korte di Hustisia pero a haña retiro ku a keda konfirmá den apelashon.
Kousa di su ‘desgrasia’ si por yama e retiro asina, ta e bendita problema di asbèst ku a deskubri den edifisio di Stadhuis i ku a obligá ku mester a muda e personal pa edifisio i KNSM kaminda tambe e ‘bicho’ tabata afektá salú dje trahadónan.
Pa motibu dje kondishon reinante ela bira ‘inkompetente’, den e kaso aki e relashon laboral a daña kual pa Korte di Hustisia a husga, tambe ta motibu valido pa duna un amtenar retiro apesar ku tradishonalmente ta kasi imposibel kita un amtenar for di trabou.
Den e kaso aki a surgi un impase entre e amtenar i su superiornan i Korte di Hustisia a duna su bendishon na e retiro.
E tribunal a husga tambe ku e retiro no a perhudiká e señora pasobra ela haña un kompensashon final.
Wesnan a dediká varios seshon pa papia personalmente ku gerensia di Beheersraad kendenan tabatin Mr. Virginia komo abogado ademas di hefe di Ofisina di Korte na Kòrsou i vise presidente