Amnesty International: Awor si di berdat mester protehá venezolanonan na Kòrsou

WILLEMSTAD – Amnesty International ta kontentu ku hues tambe a rekonose awor ku Korsou ta aktua inhustamente i ku mester pone fin na e detenshon inhumano di venezolanonan. Ta trata di hendenan ku hustamente ta buskando protekshon. Asina Yara Boff Tonella, lider di projekto di Amnesty pa derecho di refugiado i migrantenan na Korsou i Aruba, ta bisa.
Djawebs hues a dikta ku dies mester pone dies venezolano inmediatamente den libertat, pasobra nan kondishon di detenshon ta kontra di derechonan humano.
Esaki segun e Akuerdo Oropeo di Derechonan Humano.
Di e forma aki a yega un fin na detenshon di ekstranheronan na Korsou, pasobra no tin sitionan apto, ku ta kumpli ku e kondishonnan internashonal. Yara Boff Tonella: ‘Esaki ta un paso hopi importante den drechamentu dje situashon di venezolanonan ku a hui bai Kòrsou. Aworaki ta importante pa gobiernu di Korsou ofrese e hendenan aki un chens hustu pa haña protekshon. Nos lo sigi vigilá e situashon aki na un manera skèrpi’’, segun Yara Boff Tonella.