American Airlines ta stop su buelonan di Miami pa Surnam

PARAMARIBO — Entrante 1 mart proksimo American Airlines ta stop su buelonan Miami-Paramaribo siendo ku anteriormente AA a indiká ku nan t keda bula henter aña riba e ruta ku 5 buelo pa siman durante temporada haltu.
Pero nan a disidi ku nan ta saka stèker mas trempan.
Es ku diariamente e kantidat di biahero ta bahando.
Demanda pa biaha ku AA ta debil i nan a tuma e desishon difisil pa stop di bula e ruta.
Promé ku yega e fecha fatal nan lo tuma kontakto ku e pasaheronan ku tabatin reservashon pa bula e ruta pa ofresé nan buelo alternativo.
AA ta bula e ruta pa Surnam ku un Airbus A319 ku tin 128 asiento.
AA a habri e ruta pa Paramaribo na prinsipio di e pandemia pa konsentra mas tantu buelo pa i for di Miami tresiendo pasahero for di Surnam, Tel Aviv, Republika Dominikana i otro rutanan nashonal ku tabata usa Miami.