Alkalde di Mosku a ordená restrikshon di fiesta, konsierto i tiramentu di vürwèrk pa fin di aña

MOSKU – Serguéi Sobianin alkalde di Mosku ordená restrikshon total di aktividatnan festivo, konsierto i tiramentu di vürwèrk pa e fin di aña aki.
Ta un kustumber ku tur fin di aña tin organisashonnan ta organisá aktividatnan manera konsierto, fiesta i ta bende i tira vürwèrk den fin di aña.
Serguéi Sobianin a splika ku no tin nada pa selebrá ya ku Rusia ta den gera kontra Ukrania i pa entre 31 di desèmber pa 8 di yanüari 2023 un total di 300 mil sòldá Ruso lo keda rekluta pa bai kampo di bataya.
Úniko tradishon ku lo keda mantené pa fin di e aña aki ta Pasku kaminda muchanan ta haña regalo serka Santa Claus.
Saint Petersburg ku ta e di dos suidat mas importante na Rusia tambe e alkalde a anunsiá kaba ku lo no bai tin ningun aktividat festivo pa fin di aña.