Alemania a proponé pa transportá trigo for di Ukrania via trein

BERLIN – Michael Theurer konsehero di gobiernu Aleman a konfirmá ku nan ta planeando pa organisá transporte di trigo di Ukrania via trein.
Esaki ta posibel segun Michael Theurer debí ku nan tin e infrastruktura i sufisiente trein di karga ku lo por transportá gran kantidat di trigo pa Alemania i otro paisnan den kontinente Europeo.
Esaki lo yuda sigur pa yega barkunan i asina prevení pa tin skarsedat di e produkto riba merkado mundial.
Michael Theurer a splika ku ya kaba gobiernu di Alemania a pone plaka disponibel pa kumpra mas wagòn ku por transportá gran kantidat di trigo diariamente entre Ukrania i Alemania.
Ukrania ta produsiendo sufisiente trigo ku pa e luna aki mes si tur kos kana segun a planeá esaki por transportá prome ku fin di e luna aki 20 mion tonelada di trigo pa Alemania.
Michael Theurer a finalisá indikando ku Asosashon Federal di Komersio Agríkola i Asosashon di komersio di Grano di Bolsa di balores na Hamburgh a informá ku ya kaba tin kontaktonan establesé ku empresanan na Ukrania pa kuminsá ku e proseso di transporte.