Alec Baldwin a keda akusá formalmente pa tiru mortal na e set di pelíkula “Rust”

NEW MEXICO – Mary Carmack-Altwies fiskal ku ta investigando e kaso di aksidente fatal na e set di pelíkula “Rust” kaminda Alec Baldwin aktor i produktor ta keda akusá formalmente di tiru mortal di Halyna Hutchins.
E insidente trágiko aki segun fiskal Mary Carmack-Altwies por a keda evitá si Hannah Gutiérrez-Reed ku tabata un profeshonal na e set di pelíkula lo a kontrolá e arma di kandela promé ku Alec Baldwin a tira riba Halyna Hutchines dia 21 di òktober di aña 2021.
E kargonan ofisial ku tin kontra Alec Baldwin i kontroladó di arma na e set di Pelíkula Hannah Gutiérrez-Reed ta inkluí dos kargo di homisidio involuntario segun fiskal Mary Carmack-Altwies.
Joel Souza kende tabata direktor di e pelíkula “Rust” tambe a resultá herida pero a logra rekuperá.
Luke Nikas abogado ku ta representá Alec Baldwin a indika ku elo tin sigur ku lo por proba ku su kliente no ta kulpabel di e kaso aki debí ku ela konfia ku profeshonalnan na e set di pelíkula na ningun momentu so lo por a dune un arma ku bala kayente.