Akusado a grita su viktima “Mi ta mata’bo, mi ta mata’bo!”

WILLEMSTAD. Un akusado YDK (kurasoleño) na Ulanda aña pasá a konfronta un atversario di dje den un parkeer garage na Leeuwarden i durante e diskushon e akusado a pone kuchú na garganta di e atversario.
P’esei wes a kondené na 12 luna di prisòn pero e no tabata kontento i a apelá e kastigu.
“E kastigu di 12 luna ta muchu pisá”, asina ela bisa wes pasobra e no a prik” su atversario pa mat’e pero mas bien den un reakshon di miedu.
Ela rekonose ku loke a pasa ta basta serio pero e no a purba mata su kontrinkante ounke ela sinta 11 luna di un kastigu di 12 luna pe delito.
Enfin, esei ta tras di lomba pasobra no por drai e bèk ademas ela bai riba e atversario i a menas’é pero e no ke pa kondené pa algu ku e no a hasi. Ademas e ke limpia su nomber.
Fiskal a splik’é ku ta masha koinsidente ku ora ela yega e parkeo e tabatin un kuchú kaba den su man i a bai direktamente riba su atversario. E mes a spanta pero no por a bèk pasobra di otro banda e kier a bisa su kontrinkante loke e tabatin di bisé i kos a kaba.
Loke a lanta su furia tabata ku ela mira un e-mail ku su kontrinkante a manda a su tata i einan su ‘fjoes’ (sorry t’asina nos Papiamentu a bira pero ta ‘fuse’ nan ke men) a bula.
Ela bisa su atversario pa no hinka su tata den e wega sushinan aki sino e ta mat’é.

E akusado a atmiti abiertamente ku ela pone kuchú na garganta di su kontrinkante, i einan no tin ‘awa pa laba’.
Aparte di tin ku paga e viktima un kompensashon finansiero, korte a tum’é na malu ku su viktima a sufri mentalmente dje atake tambe.
I asina nos a yega bèk ne tres argumentonan di Korte di Hustisia ku a usa un dje argumentonan pa kondené na un aña di kastigu di prisòn.