Aktor merikano Earl Boen a fayesé

HONOLULU – Ayera familiarnan di e konosido aktor merikano Earl Boen a fayesé na su residensia na Hawaii.
Earl Boen a forma parti komo elenco den vários pelíkula
ku a gana miónes di dòler manera Terminator, Nutty Professor 2 i Naked Gun 3.
Lokual ku e familiar di Earl Boen a informá ta ku e aktor a keda diagnostiká ku kanser na pulmon na luna di yüni di aña pasa i ku a disidí di muda pa su residensia na Hawaii.
Earl Boen tabata atendé ku su asuntunan di kimoterapia na Hawaii mes pero finalmente a bin pèrdè e bataya.
Earl Boen tabata un aktor veterano ku a forma parti di e elenco den sentenáres di pelíkula i serie di televishon na Merka.
Algun di e pelíkulanan ku Earl Boen a partisipá aden tabata The Terminator (1984), Terminator 2, Judgment Day (1991),Terminator (3), Rise of the Machines (2003), Dark Fate (2019).
Pa lokual ta algun serie di televishon ku Earl Boen a partisipá aden ta The Streets of San Francisco, Harper family’s, Kojak, Wonder Woman i Eight Is Enough.