Akto ofisial sendementu di lus di fin di aña awe na Koredor

WILLEMSTAD – Radio Krioyo 89.7 ta anunsiá su proyekto “PASKU SALU”. Un proyekto ku nos tin lunas ta trahando riba dje. Danki na koperashon di Aqualectra ku nos por a realisá e proyekto aki
E echo ku nos pueblo a keda hopi den strès di Covid -19 nos a pensa pa hasi algu sano i salu pa nos pueblo. Radio Krioyo tur aña tin Pasku Krioyo, presentando gruponan di aguinaldo .
E aña aki nos a adaptá nos programa ku “PASKU SALU”. Nos a dòrná henter e área di Koredor Rif ku lusnan di Pasku.
E idea ta pa nos hendenan kana anochi tene kurpa den kondishon i disfrutá di e ambiente di Pasku. E restorantnan kant’i awa tambe ta ofresé servisio te anochi pa e temporada aki ku “dinner special”. Kome salu, kana pa salu i tene e mente salu.
Awe djárason 1 desèmber 6 or pm tin e akto ofisial pa despues nos primi e kònòpi sende e lusnan
Henter e temporada despues di 6 or atardi no ta permití outo den e kaya di Koredor