Aksidente riba Schottegatweg Noord a krea un fuente di teoria i spekulashon

WILLEMSTAD. E drama ku a tuma lugá djasabra ultimo riba Schottegatweg Noord a krea un fuente di teoria i spekulashon ku direpente a bira un koriente di notisia.
Un dje teorianan ta ku e shofur Kleijn lo a perde kontrol.
E trahadónan tabata traha pa un kontratista ku a haña e trabou serka SELIKOR.
Pregunta: Ken ta responsabel pa e trahadónan?
Komparando e kaso di Kleijn ku esun di e homber Dos Santos ku a kore riba Helmin Wiels Boulevard 4 Ougustus 2013 matando tres hende.
Dos Santos a keda responsabel pa tres morto.
Dos Santos a keda detené mas largu ku Kleijn na momento di interogashon despues di e aksidente. Dikon?
Dos Santos tabata tin alkohol den su sistema i tambe Dos Santos tabata kansa.
Dos Santos a pega soño tras di volante i a kore dal e tres personanan.
Dos Santos a spanta sigui kore i despues e la para su outo nèt prome ku ela yega Aqualectra na Mundu Nobo.
Dos Santos tabata traha mas ku un trabou pa dia.
E echo ku Dos Santos a sigui kore bai a hasi su kaso komplika pa e mes.
Richeron Balentien kolaborador speshal di NOBO mes a entrevista Dos Santos vários biaha e tempu ei e tabata tin 23 aña di edat. E suseso aki a influensia su bida por kompleto.
Dos Santos a sinta un kastigu i a purba na diferente okashon pa pidi e famianan despensa. Aki tambe Richaron tabata na e sitio pero ela yega ora outoridatnan a yega kaba.
OM a pidi 4 aña presu pa Dos Santos.
Otro aksidente ku e periodista a eksperensia riba Helmin Magno Wiels Boulevard tabata riba 16 di Ougustus 2019.
Aki un persona tabata kore ku ekseso di velosidat haltu i a dal un mama i un yu mata dilanti di e lusnan di trafiko na Betesda.
E persona aki a keda detene manera e prosedura ta bisa pa interogashon pero e persona aki a keda 2 siman enkarsela prome ku a lagé sali.
Aki e mama ku su yu karga den brasa a krusa kaya i ora e mama a mira e outo ta bini e mama kier a bira bek pero e konduktor ku a okashona e aksidente a pone e outo den direkshon ku e mama i e yu a bai i esaki a bira fatal.
Den e kaso aki e persona ku a hasi su mes kulpabel a sinta un kastigu. E persona aki tambe tabata den shock.
Tabata un situashon basta tenso debi ku tata di e yu tabata presente.
Den un proksimo lo tin kontinuashon dje kaso intensamente tristu aki.