Internashonal
Aksidente entre dos boto di plaser na Cayo Vizcaíno a laga un saldo di 2 morto i 10 herido
MIAMI – Benjamin Tuxhorn kordinadó di mishon di búskeda i Reskate di Warda Kosta na Miami a konfirmá ku djasabra alrededor 10’or di anochi un persona a yama emergensia indikando ku tabatin un aksidente riba laman na Cayo Vizcaíno entre dos boto di plaser.
Mesora wardakosta a manda nan patruyanan pa e sitio kaminda a bin topa un senario horibel.
Lokual a pasa ta ku un di e boto nan di plaser a pasa riba e otro lagando un saldo di 2 morto i 10 herido.
Mesora miembronan di wardakosta a transportá e heridonan pa tera kaminda tabatin helikòpter kla para pa transportá esnan den estado kritiko pa Jackson Memorial Hospital.
Benjamin Tuxhorn a splika ku dos persona a muri i 10 a keda interná di kual tin tres di e heridonan den estado kritiko. Aparentemente chapaleta di e boto ku a pasa riba e otro lo a kap brasa i pia di esnan ku a muri. Benjamin Tuxhorn a indika ku e kaso ta bou di investigashon pa determiná ku si ta bebementu di alkohòl.