Akshonistanan di Paracetamol i Ibuprofen tabatin problema finansiero na Kòrsou

WILLEMSTAD. Kòrsou por ta orguyoso di por konta ku un Korte Komun di Hustisia ku ta dikta veredikto riba e mas alto nivel internashonal i ku ta gosa di aseptashon di nan diktamennan na kualke banda di Oseanonan ku konosementu di sistemanan legal den vários idioma. Di otro banda, e hecho aki ta pone ku ora empresanan internashonal tin pleitunan legal, ta den nos korte nan ta someté kon resolvé diferensianan di opinion.
Un kaso asina tabata di e empresa multinashonal ku ta distribuí i hasi merkadeo di e konosido remedinan mundialmente konosí ku yama Paracetamol i Ibuprofen kualnan for di tempu ku nan tabata kumpra i bende akshon den e kompanianan aki tantu na Europa komo Merka.
Empresanan multinashonal tin akshonista den vários pais i ta registrá nan papelnan di propiedat di akshon serka nan respektivo tribunal i gobièrnunan pa resolvé eventual problema di karakter finansiero.
Algun tempu pasá tabatin un kaso di vários invershonista europeo i prinsipalmente na Ulanda ku a agrupá vários kompania bou di un bandera den un NV na aña 2007.
Akshonistanan den e NV tabata vários personahe i kompania manera Medical Network Holding B.V.
Den e tipo di negoshinan aki e hasimentu di negoshi ta bai di tal forma ku un invershonista ta kumpra parti di un kompania na por ehèmpel Merka pero e nòmber no ta nada indikativo ku ta akshon den un kompania di remedi nan a kumpra,
Den e kaso aki un dje invershonistanan a kumpra akshon den e kompania merikano ‘Satellite Newspapers Corporation’ na Nevada i mesun dia nan a pasa e akshonnan na un otro koperashon. E kompania nobo a traha un plan di invershon pe sosionan pa produsí remedi genériko barata manera
Paracetamol i Ibuprofen.
Pa produsí e remedinan aki nan tabatin mester di pèrmit di produkshon i di benta i nan a lanta un kompania ku tabata bende akshon pa € 0,10 ku lo a bende invershonista kobrando un interes di 7,8% den 4 aña. E akshonistanan a gastu di korte i abogado.