Ajamu Baly ta gobernador nobo di Sint Maarten

DEN HAAG. Konseho di Minister di Reino a bai di akuerdo pa nombra señor Ajamu G. Baly komo gobernador di Sint Maarten awor ku tèrmino di sr. Richardson a yega su final despues di 12 aña.
Awe Konseho di minister a tuma e desishon i Sekretario di Estado Alexandra van Huffelen a anunsia esaki den un mensahe digital despues dje reunion.
Gobiernu di Sint Maarten a propone pa Ulanda nombra Baly.
Holiday su periodo komo gobernador lo terminá dia 10 di oktober.
E tabata e promé gobernador foi dia Sint Maarten a bira pais outónomo.
Su susesor aktualmente ta sekretario di Raad van Advies di Sint Maarten i e ta wes interino den korte di promé instansia na Sint Maarten. Baly ta wes sustituto for di 10 di februari dje aña’ki.
Ademas e ta miembro dje hunta di supervishon di Banko Sentral di Kòrsou i Sint Maarten.