Airbus a bula ku A220 di Air Canada pa Kòrsou

WILLEMSTAD – Antayera djaluna di 10 di yanüari Air Canada a bula e ruta di Canada pa Kòrsou pa promé biaha ku nan Airbus A220-300 ku tin kapasidat pa 137 pasahero di kual 12 den Business. Air Canada a risibi e avion aki un aña i mei pasá i su sigla ta C-GJYA. Ta trata di un model di Airbus supermoderno ku amplio espasio i bentana grandi di kual Air Canada a enkargá 4 5 pero despues a tuma menos ora pandemia mundial a dal aden. E personal eksperensiá i kalifiká di Antilles Aerospace a hèndel e avion.
Na novèmber último Air Canada a reanudá su buelonan pa Kòrsou, pero resientemente el a anunsiá ku na febrüari e ta bai suspendé su buelonan atrobe pa motibu di e oumento di kasonan di COVID.