AHATA ta sostene BRA su trayecto di re-enforsa First Responders di calamidad

ORANJESTAD-Desde 2016 Bureau RampenBestrijding Aruba (BRA) ta implementando un plan di REHAB “The Thirsty, The Hungry and The Tired” pa re-enforsa e team di First Responders durante un calamidad.  E plan su meta ta pa hisa Aruba su capacidad di resistencia p’e pais por recupera mas liher despues di un calamidad.

Den combersacion entre BRA y Aruba Hotel & Tourism Association a nota cu e ekipo lo beneficia di tin disponibilidad di un golf cart durante maneho di un crisis. Un golf cart por wordo usa pa transporta BRA su team y diferente articulo di necesidad.

AHATA a bay en busca di un golf cart entre su miembronan y Divi Dutch Village/Divi Village Golf & Beach Resort a ofrece di restaura un golf cart y regala esaki na BRA.

Cu e ekipo aki First Responders por ta bon cuida p’asina nan sigui sirbi e comunidad efectivamente durante un calamidad.

Divi y AHATA a coordina e entrega oficial n’e Director di BRA, sr. Rino Hermans pa uso den e plan “The Thirsty, The Hungry and The Tired”.  Un danki ta dirigi na Divi Dutch Village/Divi Village p’e balioso gesto.