AHATA “Excellence in 2020 Awards” ta reconoce empleadonan ehemplar

ORANJESTAD-Aruba Hotel & Tourism Association (AHATA) ta organisa e ‘AHATA Excellence Awards’ anualmente pa honra e empleadonan excepcional di nos industria turistico. Debi n’e pandemia di Covid-19, e anochi especial no por tuma lugar e aña aki. Sinembargo, ta importante pa reconoce e empleadonan cu den un aña devastador manera 2020 a mantene un nivel halto di motivacion y productividad.