Agentenan federal di Colombia i Ecuador ku entrada hudisial kordina riba trafikante Colombiano

BOGOTA- General Henry Armando Sanabria kende ta direktor di polis na Colombia a konfirmá ku e siman aki agentenan federal di Ministerio Públiko di su pais i Ecuador a tene entrada hudisial simultáneo na propiedatnan di e narkotrafikante alias Lucio Burbano Portilla, alias ‘El Señor’”.
Den e kaso aki segun general Henry Armando Sanabria e trafikante Lucio Burbano Portilla, alias ‘El Señor’ ta aliado di lidernan di ELN i tin años ta manda droga Merka i Europa.
Lucio Burbano Portilla, alias ‘El Señor’ tabatin propiedatnan i vehíkulonan di luho tantu na Colombia i Ecuador balorá na $9.3 mion.
General Henry Armando Sanabria ta splika ku tur lokual nan a konfiská ta bai keda bende na vindishi.
General Henry Armando Sanabria a splika ku un di e propiedatnan di alias ‘El Señor’ ku tabata pertenesé na Ecuador a bin haña $3.4 mion na efektivo.
Esaki ta nifiká ku tin sufisiente prueba pa ekstraditá Lucio Burbano Portilla, alias ‘El Señor’ ku ta keda buska pa hustisia merikano.