Academic & Sport Achievement pa Vanessa Mercera na Merka

WILLEMSTAD – Mayornan I klup di Atletismo Trupial a risibí e grato notisia ku Vanessa Mercera miembro di klup di atletismo Trupial a risibí un rekonosementu di Cloud College pa su resultadonan akadémiko i deporte.
Riba tereno di deporte Vanessa a kibra e rekòrt di e skol den evento múltiple i ta partisipá na vários evento individual tambe di kual e ta gana vários punto pa e skol na kada kompetensia.
Ya tin 3 universidat ku ta interesá den Vanessa pa ora e kaba College e aña aki, e drenta den nan universidat. Vanessa aktualmente ta entrenando pa representá Kòrsou na Carifta Games di 7 pa 9 di Aprel próksimo na Bahamas.
Nos ta deseá Vanessa tur klase di éksito.
Ku Dios sigui protehé pa pronto Kòrsou por tin un atleta mas den weganan Olímpiko.
Pabien na Vanessa Mercera ku tremendo resultado, danki pa saka kara di nos tim i Kòrsou.