Abogadonan di Ghislaine Maxwell a demand’é pa $900.000 debí ku e no a kumpli pago akordá

NEW YORK – Haddon, Morgan and Foreman ku ta un firma di abogado ku a atendé ku e defensa di Ghislaine Maxwell a entrega un demanda ku no a kumpli ku pago akordá.
Ghislaine Maxwell a keda kondena pa yuda Jeffrey Epstein abusá seksualmente di muchanan menor di edat.
Aparentemente segun informashon ta ku Ghislaine Maxwell a pone su ruman Kevin Maxwell na enkargo pa paga su honorarionan legal despues di ku ela keda arestá na 2020.
E firma di abogado Haddon, Morgan and Foreman a indika ku Kevin Maxwell solamente a hasi un pago chikí di e resibu ku a keda entrega pa defensa di Ghislaine Maxwell.
E dos abogadonan di e bufete kende ta Laura Menninger i Jeffrey Pagliuca a forma parti di e ekipo legal di Ghislaine Maxwell durante su wisio na New York.
Ámbos abogado a hasi tur lokual tabata na nan alkanse pa Ghislaine Maxwell haña ménos kastigu.
E dos abogadonan ta realmente desapuntá ku e forma di atendé ku nan pago.
Tin indikashon ku lokual ku Ghislaine Maxwell tin ku kaba di paga e firma Haddon, Morgan and Foreman
$900.000 pa asina terminá ku e parti aki.
Ghislaine Maxwell ta sintando un kondena di 20 aña di kastigu di prizon na sentro korekshonal FCI Tallahassee Florida.