Internashonal
Abogado di Ricky Martin: Ta alegá ku e kantante nunka tabatin relashon seksual of amoroso ku su subrino
SAN JUAN – Ricky Martin konosido kantante Portorikeño a keda akusá di aktonan serio pa un subrino di dje ku ta biba na Puerto Rico.
Aparentemente e subrino (21) a alegá ku Ricky Martin.
Tabatin un relashon amoroso i relashon seksual kuné durante 7 luna.
Esaki aparentemente a tuma lugá durante momentu ku e subrino tabata adolesente.
Abogado ku ta representá Ricky Martin a bisa ku nan tin sufisiente prueba ku e subrino di Ricky Martin ta un hóben ku problema mental i ku lo bai proba esaki tambe den korte.
Ta trata di akusashonnan ku via Ricky Martin su abogado ta refutá i ku ta haña esaki komo denigrante ku ta daña su imáhen.
Huntu ku e kaso aki Ricky Martin pa kolmo a keda demanda pa su manager ku ela kibra relashon di trabou kuné i ku ta buskando pa kobra $3 mion na pagonan atrasá.
Den kaso si haña Ricky Martin keda deklará kulpabel di lokual e subrino ta alegá e kantante lo por keda kondena na 50 aña di kastigu di prizon.