A yud’é hopi biaha pero no a yuda: Bida parotin di muhé antiano a hink’é den problema finansiero

WILLEMSTAD. Un muhé Antiano di 29 aña kende pa motibunan opvio nos ta preferá di no revelá su identidat pe no keda marká den su inmediato futuro, awor ta mas leu for di kas pasobra instansianan ku a yega di yud’é den pasado ta konsiderá su situashon desesperante.
Asina desesperado ku e muhé mes a pidi asistensia legal pa pidi Korte buska un solushon pa su situashon pasobra riba su mes e no ta logrando i instansianan sosial a bira lomba pe pasobra e ta keda kai den desgrasia.