A tuma tres aña pa Korsou a yega na 98% di e kantidat di turista registrá na mei 2019

WILLEMSTAD- Ofisina di Turismo di Kòrsou (CTB) ta raportá un kantidat di 35.813 turista di estadia pa luna di mei. Ku e kantidat aki, luna di mei 2022 a yega na 98% di e kantidat registrá na mei 2019 esta promé ku pandemia, na momentu ku un kantidat di 36.386 turista di estadia a keda risibí.
Mei ta konosí komo un luna lento pero e prestashon registrá na luna di mei ta mustra klaramente ku Kòrsou su rekuperashon turístiko ta sólido.
Di e 35.813 turistanan risibí, un total di
60% a bini for di Europa,
14% for di Nort Amérika,
15% for di Sur Amérika,
8% for di Karibe i
3% for di sobrá paisnan di mundu. Pa dia, un kantidat di 1.155 turista di estadia a keda risibí. Huntu e turistanan risibí na luna di mei a keda un total di 328.243 anochi riba Kòrsou.