A introdusi 12.5% di entrega pasobra no tabatin sèn pa paga salario

WILLEMSTAD. Baiendo den historia un ratu awe mainta, parlamentario Martina a splika ku Korsou no tabatin sufisiente sen pa paga salario di su amtenarnan.
Einan a surgi 12.5% komo propio kontribushon, aporte propio, pasobra bo no por fia sèn pa paga bo mes sin pone di bo parti.
Ke hubo di koleganan pafo di gobiernu ku mester a entrega 20% i di esnan ku tabata lora riba nan mes i a kai na un entrada di mil florin.
Nos ta konfronta ku 8 kondishon pa kita e 12.5% pero ekonomia a normalisando i pakiko mester mantene 11.5% i pakiko ta mara tantu kondishon pa kita 12.5%.
Gobiernu a manda bisa ku nan ta di akuerdo, ku algun dje kondishonnan pero tin esun di nivelashon di salarionan ku ta poder di parlamento.
Por ehempel Sekretario General ta gana mas tantu plaka: nan ta kai aden of no.
Kondishon 4: ta logiko ku na momento ku kumpli kondishon number 4 ta kla pasobra si kualke pais haña sla di pandemia bo no ta rekupera mesora.
Ulanda a kambiando regla di wega durante e wega?
E redukshon no ta konta pa mandatario i kon tin ku interpreta e regla ei pasobra mester kambia diferente regla.
Por sosode solamente ora Konseho di Minister di Reino bai di akuerdo pasobra Ulanda tin e instrumento pa kambia e regla di wega.
Ta p’esei Martina a pidi pa Pisas bisa ku kua punto si of no ta di akuerdo. (Foto Edsel)