A detené hòmber pa ladronisia

Kralendijk–Riba djaluna 31 di mei a detené un hòmber di inisial R.R.R.M. di 27 aña na Bario Santa Rosa en konekshon ku ladronisia di un outo.

Kandela den kas
Riba djaluna 31 di mei sentral di polis a risibí notifikashon tokante un kandela den un kas situá na Kaya Jolanda. Bisiñanan a nota huma ta sali for di un bentana di e kas. Agentenan ku a yega na e sitio a tuma e libertat di paga e kandela via di e bentana. Brantwer ku a yega algu mas despues a drenta e kas pa haña un mihó bista di e situashon. E habitantenan di e kas no tabatei presente durante ku e kandela a surgi.
Bo a mira algu sospechoso? Yama 717 8000 òf e liña di tep anónimo 717 7251.