8 adolesente entre (13 pa 16) a mata hòmber (59) na Canada

TORONTO – Myron Demkiw direktor di kuerpo polisial na Toronto a konfirmá ku 8 adolesente di entre (13 pa 16) a keda detené relashoná ku un kaso di asesinato di un hòmber (59).
Lokual a pasa ta segun Myron Demkiw e víktima ku su nòmber no a keda revelá ta daklos i ta biba huntu ku su pareha den un tènt den sentro di Toronto.
E víktima a bai kumpra un bòter di alkohòl i na momentu ku e tabata biniendo den direkshon di su tènt ela bin topa ku e grupo di adolesentenan aki ta kana bin riba dje.
E grupo di adolesente a kita e hòmber su bòter di alkohòl for di dje pa despues nan dale kibra i kuminsá maltrat’é i despues puñale.
Konsekuensia di lokual a pasa aki ta ku e víktima a bin fayesé di tantu puñala i gòlpi ku ela risibí.
Myron Demkiw a splika ku tur e 8 adolesentenan a keda detené pendiente pa nan kaso keda presentá den korte dia 29 di desèmber próksimo.
E kaso di asesinato a kousa bastante konmoshon na Toronto debí ku segun Myron Demkiw ta trata aki
di 68 kaso di asesinato pa lokual ta aña 2022.