6 morto i 1 herido den un atake ku arma na Toronto

TORONTO – Kapitan James MacSween hefe di polis na Ontario a konfirmá ku ayera nochi alrededor di 7:20 P.M. un hòmber a yega na un kompleho di apartamento i a tira 6 inkilino di kual 5 a muri i 1 a resultá gravemente herida.
Polis a keda notifiká i den un tempu rekòrt nan a presentá pa atendé ku e persona ku a tira di kual un agente a logra tira e asesino mata.
Kapitan James MacSween a splika ku suidadanonan na Canada ta preokupá ku lokual a pasa konsiderando ku nan no kier pa e situashon bira meskos manera Merka.
Práktikamente no tin kasonan di violensia ku arma na Canada i lokual a pasa ayera nochi ta pone suidadanonan bira bastante preokupante.
Lokual ku ta bou di investigashon awor ta ken e hòmber ku a kometé e krímen horibel aki ta i si ta trata di un persona ku ta biba na e kompleho di apartamento na Vaughan, Ontario.