Inskripshon a habri pa Premio Charlwin ‘Broertje’ Marshall 2021

WILLEMSTAD – Gobièrnu di Kòrsou ta anunsiá ku inskripshon pa Premio Charlwin ‘Broertje’ Marshall 2021 ta habri. Ta otorgá e premio prestigioso aki komo parti di e kompetensia spesialmente pa hóben riba tereno kulinario. Personanan entre edat di 16 te ku 30 aña, ku ta sigui formashon kulinario òf ta traha riba e tereno kulinario, ta bin na remarke pa inskribí na e kompetensia di e premio akí. E kompetensia ta tuma lugá den luna di aprel 2021 i entrega di premio ta tuma lugá den luna mei 2021.