4 AÑA KASTIGU DI PRIZON PA MICHAEL FANEYT

WILLEMSTAD – Djabièrnè 2 di desèmber último korte di promé instansia a kondená e siudadano Michael Faneyt di 20 aña di edat na 4 aña kastigu di prizon. Tabata pasobra e siudadano aki a keda akusá di un kantidat di atrako kometé den grupo. Tabata riba e fechanan 31 di òktober 2021, dia 8 di novèmber 2021, 6 di novèmber 2021, atrobe 6 di novèmber 2021 i finalmente 29 di òktober 2021. Remarkabel ta e hecho ku e aktonan kastigabel kometé tabata di forma agresivo i violento, anto tabata huntu ku mas atrakadó, kende nan kaso a keda tratá anteriormente. Pa kuminsá ta asina ku e siudadano Michael Faneyt di forma manera ariba deskribí a kita un kantidat di prenda, suma di plaka, dokumento i tarhetanan bankario for di otro siudadanonan di inisial H.R.S, A.M.S.T., i tambe