30 DI MEI TABATIN UN MANIFESTASHON PA DEMOSTRÁ MAL KONTENTU

Kralendijk–Daisy Coffie i Clark Abraham presentá ne Manifestashon ku siudadano Ebert Saragoza a organisá den Parke Wilhelmina 30 di mei nèt riba e fecha ku na Korsou ta rekordá ku trahadonan a welgá pa demostrá nan mal kontentu for desigualdat loke a kondusí na e welga historiko di 30 di mei 1969.
Na Boneiru tambe tin desigualdat i mal gobernashon i hopi froude ta pesei Saragoza a organisá un manifestashon pa demostrá na gobièrnu ulandes ku ta impedí gobiernu di Boneiru di goberná pasó nan man ta mará i ta kometiendo yen froude i no ta hiba un bon gobernashon pa Pueblo Boneriano su bienestar.
Apesar ku no tabatin hopi hende pero e manifestashon tabata hopi signifikativo komo e ta manda un señal pa tantu gobernantenan boneriano i hulandes.
Na e okashon aki Abraham a bisa ku e Kolegio Ehekutivo aki no ta informá Raad nada i ta hasi i deshasí kaminda ku no ta mira un adelanto.

Daisy Coffie a tene un diskurso na e manifestashon pa demostrá ku e ta kontra e sistema ku e kualishon ta goberná i tambe e sistema kon gobièrnu di Boneiru ta goberná Boneiru ku no ta na benifisio di e boneriano, e la duna di konosé ku e so no por hasi e trabou, ta kada un di nos mester aportá un granito pa nos logra e meta i trese mehorashon, pero ku sosten di pueblo so nos por logra e meta.