23 persona a siña skibi un plan di proyekto

WILLEMSTAD – Den luna di aprel e organisashon SECIF a organisá un workshop pa partisipantenan siña skibi un plan di proyekto.
E workshop aki tabata konsistí di tres lès interaktivo kaminda partisipantenan na final a traha un proposishon pa un proyekto.
23 persona a partisipá na e workshop, entre nan algun trahadó tambe di Representashon di Hulanda na Willemstad.
Hopi fundashon ta deskonosí ku e posibilidatnan pa fondonan tantu lokal komo di Hulanda i tambe tin difikultat ku skibi un proposishon pa un proyekto, asina SECIF ta duna di konosé.
“Mayoria fundashon tin bon idea pa proyektonan ku nan ke ehekutá, pero no por hasi esaki pa motibu di falta di rekursonan finansiero.
Dor ku nan no por skibi un proposishon pa proyekto, un petishon pa fondo ta bira difisil.”
E seshonnan tabata destiná pa boluntario-/fundashonnan ku ta traha ku proyektonan kultural i sosial.
Djaweps último a tuma lugá e entrega di sertifikado na ofisina di Representashon di Hulanda na Skalo.