21 okashon den kua Papa Francisco a afirmá ku diabel ta eksistí

Churchpop

Promé parti
Den numeroso okashon a lo largu di su pontifikado, Papa Francisco a alerta fielnan di henter mundu tokante e eksistensia real i akshon di diabel.
Aki nos ta presentá 21 okashon den kua e Tata santu a papia na bos duru tokante diabel, su eksistensia, su akshon i loke un katóliko por hasi pa kombatié.
21 okashon den kua Papa Francisco a afirmá ku diabel ta eksisti

1. Diabel no ta un mito i nos mester lucha kontra di dje
Dia 30 di òktober 2014, den su predikashi den e misa selebrá den e kapia di Casa Santa Marta, kaminda e ta biba, Francisco a bisa “a laga e generashon aki i hopi otro kere ku diabel tabata un mito, un figura, un idea, e idea di e malu, pero diabel ta eksistí i nos mester lucha kontra di dje! San Pablo ta bisa esaki. Ami no ta bisando esaki! E Palabra di Dios ta bisa esaki!”
“Diabel ta un mentiroso, e ta tata di esnan mentiroso, tata di mentira”, Papa a bisa.

2. E táktika di diabel pa tenta hende
Dia 11 di aprel 2014, Papa a splika ku asina manera diabel “a tenta Hesus tantu be i Hesus a sinti tentashonnan den su bida, asina hendenan ta ser tentá.
“Tambe nos ta opheto di e atake di diabel, pasobra e spiritu maligno no ke nos santidat, e no ke testimonio kristian, e nos pa nos ta disípulonan di Hesus”, el a bisa.
“Kon diabel ta apartá nos di e kaminda di Hesus? Tentashon ta kuminsá lentamente, pero e ta krese: semper e ta krese. Na di dos lugá, e ta krese i e ta kontagioso, e ta transmití su mes na otro personanan, e ta purba na ser familiar. I na final, pa kalma e alma, e ta hustifiká su mes. E ta krese, ta kontaminá i ta hustifiká su mes”, el a atvertí.

3. Diabel ta un guera kontra e bèrdat i bida.
Dia 31 di desèmber 2015, den oudiensia ku míles di mucha den e Sala Pablo VI di Vatikano, Papa Francisco a bisa ku “den mundu tin un lucha entre e bon i e malu, filósofonan ta bisa. E ta e lucha entre Dios i diabel. Te ainda e ta eksistí. Ora kada un di nos ke hasi algu malu. E malu chikí aki ta un inspirashon di diabel. Ku dor di debilidat ku e piká original a laga den nos ta hiba bo na esaki. Ta hasi malu tantu den kosnan chikí komo den esnan grandi “.
“E ta un guera kontra e bèrdat di Dios, e bèrdat di bida, kontra goso. Beibel ta bisa ku e lucha aki entre diabel i Dios lo kontinuá te na final”, el a splika.

4. Diabel tin 2 arma pa destruí Iglesia di paden
Dia 9 di sèptèmber 2016, den un diskurso dilanti mas di 100 obispu den Vatikano, Papa Francisco a enfatisá “divishonnan ta e arma ku diabel tin mas na man pa destruí Iglesia for di paden. E tin dos arma, pero e prinsipal ta e divishon: e otro ta plaka. Diabel ta drenta dor di kir i ta destruí ku su lenga. Ku e redu ku ta dividí i e kustumber di redu, ku ta un kustumber di ‘terorismo‘“.
“Esun ku ta hasi redu ta un ‘terorista’, ku ta tira e bòm, e redu, pa destruí. Por fabor, lucha kontra divishonnan, pasobra e ta un di e armanan ku diabel tin pa destruí e Iglesia lokal i e Iglesia universal”.

5. Kuidou ku diabel pasobra e ta kousa divishon i ta hunga shushi!
Dia 12 di sèptèmber 2016, Francisco a bisa den e misa do Santa Marta ku den Iglesia “diabel ta sembra selo, ambishon, ideanan, pero pa kompartí! Òf e ta sembra kudishi “.
Ora esaki ta pasa, e ta manera ora tin guera: “tur kos ta ser destruí”. I diabel ta bai felis. I nos, ingenuo, ta hunga su wega”.

6. Guera ta bini di diabel pasobra e ke malu!
Dia 20 di sèptèmber 2016, den su predikashi den e Misa den Casa Santa Marta, Papa a splika ku guera ta un di e señalnan di diabel.
“No ta eksistí e Dios di guera”, el a bisa. Guera ta obra di e “maligno” ku “ke mata tur hende”, Papa a bisa, pidiendo pa resa ku e konvikshon di ku “Dios ta un Dios di pas”.
Awe “tur hende di bon boluntat, di kualkier religion, ta invitá na resa pa pas” pasobra “mundu ta den guera i sufriendo!”, el a bisa.

7. Korupshon ta kombèrtiendo su mes den un siguidó di diabel
Dia 17 di novèmber 2016, den un diskurso dilanti e Asosiashon Empresarial Katóliko, Papa Francisco a deklará ku korumpí bo mes ta “kombertí bo mes den un siguidó di diabel”.
“Korupshon ta ser generá dor di e kulto pa plaka i ta hasi e korupto prisionero di e kulto mes. Korupshon ta un froude kontra demokrasia i ta abri porta pa otro malunan teribel, manera droga, prostitushon i trato di personanan, sklabitut, tráfiko di órgano, tráfiko di arma, etc. Korupshon ta kombertí bo mes den siguidó di diabel, tata di mentira “, e Tata Santu a bisa.

Ta sigui otro siman