21 okashon den kua Papa Francisco a afirmá ku diabel ta eksistí

Churchpop
Di tres i último parti

Den numeroso okashon a lo largu di su pontifikado, Papa Francisco a alertá fielnan di henter mundu tokante e eksistensia real i akshon di diabel.
Aki nos ta presentá 21 okashon den kua e Tata santu a papia na bos duru tokante diabel, su eksistensia, su akshon i loke un katóliko por hasi pa kombatié.
21 okashon den kua Papa Francisco a afirmá ku diabel ta eksistí
15. Papa Francisco: diabel ta buska na destruí e armonia entre hòmber i muhé
Den e mardugá di 1 di yüni di 2018, den e kapia di Casa Santa Marta, Papa a atvertí ku diabel ta sigui persiguiendo i atakando pasobra e ke destruí armonia entre hòmber i muhé, i ta denunsiá un be mas e “kolonisashonnan ideológiko” i otro formanan di destrukshon.
16. Diabel ta únikamente historia di un ansiano? Esaki tabata kontesta di Papa Francisco
Den diálogo ku muchanan di e parokia romano di San Crispino di Viterbo, dia 3 di mart 2019, Papa Francisco a atvertí tokante diabel, ku no ta “únikamente un kuenta di wela”.
Diabel, el a bisa e muchanan, “sí ta eksistí, sí, ta bèrdat i e ta nos enemigu di mas grandi . E ta esun ku ta purba na laga nos slep den bida. E ta esun ku ta pone mal deseonan den nos kurason , mal pensamentunan i ta laga nos hasi kosnan malu, e hopi kosnan malu den bida, pa terminá den guera”.
17. Papa a rekordá ku Satanas ta eksistí i ku Hesus a derot’é.
Den e oudiensia general di 1 di mei 2019, fiesta di San Hosé, Papa Francisco a rekordá ku Hesus mes, manera e Evangelionan ta konta nos, a enfrentá diabel den desierto, “pero Hesus rechasá tur tentashon i a sali viktorioso”.
Francisco a splika ku e bida públiko di Hesus a kuminsá