205 diseño pa un Emblema Nashonal nobo

WILLEMSTAD – Komishon Emblema Nashonal a haña un total di 205 diseño entregá di kua lo hasi evaluashon individualmente basá riba e kriterianan, pa asina yega na un tòp 10 ku pueblo di Kòrsou por bai vota riba dje pa nan emblema preferí.
Gobièrnu di Kòrsou a inisiá un trayekto pa yega na un Emblema Nashonal nobo pa Kòrsou di un forma partisipativo.
Esaki ta parti di un esfuerso pa sigui yuda konstruí un Nashon.
E trayekto akí a ranka sali dia 4 di yüli kaminda Minister di Asuntunan General, Gilmar Pisas, Minister di Enseñansa, Sithree van Heydoorn, i Presidente di Komishon Emblema Nashonal, Jaret Guanipa, a anunsiá komensio di e trayekto aki.
Hinter e komunidat di Kòrsou a haña un total di 30 dia pa diseñá i entregá un diseño basá riba e 5 kriterianan ku e Komishon Emblema Nashonal a stipulá. Pa mas informashon riba e kriterianan, por subi riba e website www.emblema.cw.
Sigui gobièrnu su kanalnan di komunikashon pa mas informashon tokante di e trayekto akí i eventualmente pa vota pa bo diseño fáborito!