16 empleado di Nashonnan Uni a keda detené na Etiopia

ADDIS ABBA – Stephane Dujarric bosero Nashonnan Uni a konfirmá ku outoridatnan na Etiopia tin 16 di nan empleadonan detené relashoná ku sospecho ku nan ta apoya teroristanan di TPLF.
E detenshon di e 16 empleadonan di Nashonnan Uni e tuma luga na nan sede den sentro di Addis Abba. Outoridatnan na Etiopia a akusá tur e 16 empleadonan di Nashonnan Uni di ta apoya e grupo di teroristanan TPLF (Tigray People’s Liberation Front).
Stephane Dujarric a splika ku e por garantisá ku ningun di nan empleadonan ta envolví den apoyo di e terorista di TPLF.
Degfe Bedi direktor di polis na Etiopia a deklará ku posiblemente lo laga 3 di e empleadonan Nashonnan Uni den libertat pero sobra lo keda detené.
Stephane Dujarric a finalisá indikando ku lokual ku outoridatnan ta akusá nan empleadonan di dje no tin base i ta infundá.