12 regla di oro pa bo komportá bon durante Misa

Pa por probechá lo máksimo di e frutanan grandi spiritual ku bo ta risibí den Misa bo mester partisipá den dje ku reverensia.
Aki 12 regla di oro òf konsehonan práktiko, danki na Aggie Catholic Blog, ku lo sirbi pa probechá lo máksimo di Misa i partisipá, aktivo i reverentemente, den Eukaristia.
1. No usa selular: Bo no mester di dje pa papia ku Dios
Nunka mester usa telefon selular den Misa pa hasi yamadanan òf manda mensahenan di teksto. Es posibel kontestá una yamada de emergensia, pero pafó di e tèmpel. Di otro banda, sí ta posibel usa e telefòn pa lekturanan òf orashonnan spiritual, aunke e mester ta diskreto.
2. Yuna promé ku e selebrashon eukarístiko
E ta konsistí den apstené bo mes di tuma kualkier alimento òf bebida, al ménos for di un ora promé ku Sagrada Komunion, ku eksepshon di awa i remedi.
Enfermonan por risibí maske nan a tuma algu den e ora inmediatamente promé. E propósito ta di yuda ku e preparashon pa risibí Hesus den Eukaristia.
3. No kome ni bebe den iglesia
E eksepshonnan lo ta: algun bebida pa muchanan chikí òf lechi pa beibi, awa pa e saserdote òf pa miembronan di e koro (ku diskreshon) i pa enfermonan.
Bai ku un pasapalu den iglesia no ta apropiá, pasobra tèmpel ta un lugá di orashon i reflekshon.
4. No kou bals
Na ora di hasi esaki bo ta kibra ku e yunamentu, ta sosedé un distraishon, e ta inkorekto den un ambiente formal i no ta yuda den orashon.
5. No usa sombré
Ta inkorekto usa un sombré den un iglesia. Si esaki ta un norma kultural, mester kumpli kuné. Asina manera nos ta kita sombré ora nos ta hasi un huramentu, meskos mester hasi den iglesia komo un signo di rèspèt.
6. Hasi señal di krus ku awa bendita na ora di drenta i sali di e tèmpel
Esaki ta un rekordatorio di Boutismo, sakramento pa kua nos ta renasé na e bida divino i nos a bira yunan di Dios i miembronan di Iglesia. Ta nesesario di ta plenamente konsiente di loke ta sosedé ora ta hasi señal di krus i mester hasié bisando algun orashon.
7. Bisti ku modestia
Ta invitá katólikonan pa asistí bistí adekuadamente ya ku, si e ta algu ku ta kustumbrá di hasi komunmente pa un fiesta òf algun otro tipo di kompromiso, no tin rason pa nos hasi mesun kos na ora di asistí na Misa.
8. Yega algun minüt promé ku inisio di Misa
Si pa algun rason bo no por yega na tempu, ta rekomendabel sinta parti patras pa no molestiá otro personanan. Yega Misa tempran ta permití bo resa i prepará bo mes mihó pa risibí Kristu.
9. Hinka rudia pa kue tabernakel na ora di drenta den e tèmpel
Na ora di permití ku nos rudia ta mishi ku e piso, ta rekonosé ku Kristu ta Dios. Si un persona ta físikamente inkapas pa hinka rudia, e ora ei un gesto di reverensia ta sufisiente. Durante Misa, si ta pasa dilanti e altar òf di tabernakel, mester baha e kabes ku reverensia.
10. Keda den silensio durante e selebrashon
Na ora di drenta den e tèmpel mester keda den silensio. Si bo mester papia, hasié di forma silensioso i kòrtiku. Kòrda ku mantené un kombersashon por molestiá un persona ku ta resando.
Si bo tin un mucha chikí òf un beibi, bo por siña serka di algun salida dilanti kualkier kontratempu.
Kòrda ku no tin rason pa sinti bèrgwensa pa kalma òf kontrolá bo yu, paden òf pafó di iglesia. Siña nan na komportá nan mes, espesialmente ku bo propio ehemplo.
11. Inkliná na ora di risibí komunion
Si E ta Dios, e ora ei bo por mustra rèspèt inklinando kabes komo reverensia. Si bo ta deseá bo por hinka rudia ku pia drechi. Esaki ta un práktika antiguo ku a kontinuá te ku dia djawe.
12. Spera te ora ku Misa terminá
Nos mester keda den Misa te ku e bendishon final. Kòrda ku un di e mandamentunan di Iglesia partisipá na Misa kompleto riba djadumingu i fiestanan obligatorio.
Ta un bon kustumber, maske e no ta rekerí, ofresé un orashon di akshon di yama danki despues di e selebrashon.
Finalmente, e salida mester ta den silensio a fin di no molestiá otro personanan ku ta deseá di keda den tèmpel resando.