12 klave pa komprendé e dògma di Santísima Trinidad

Redakshon ACI Prensa

E djadumingu akí Iglesia ta selebrá Solemnidat di Santísima Trinidad, misterio sentral di e fe kristian. Aki nos ta presentá 12 klave pa nos drenta un poko mas den e dògma akí:
1. E palabra Trinidad ta nase di latin
E ta bini di e palabra latin “trinitas”, ku ta nifiká “tres” i “triada”. E ekivalente den griego ta “triados”.
2. El a ser utilisá pa promé be pa Teófilo di Antioquía
E promé uso rekonosé di e término tabata di Teófilo di Antioquía alrededor di aña 170 pa ekspresá e3 union di e tres persona divino den Dios.
Den e promé tres s dianan ku ta presedé kreashon di solo i di luna, e Obispu ta mira imágennan di Trinidad: “E tres dianan ku ta presedé kreashon di e kurpanan luminoso ta símbolonan di e Trinidad, di Dios, di su Verbo i di su Sabiduria”. (Pa Autólicus 2:15)
3. Trinidad ta nifiká un solo Dios i tres persona distinto
Resúmen di Katisashi di Iglesia Katóliko ta splik’é asin’aki: “Iglesia ta ekspresá su fe trinitaria konfesando un solo Dios den tres Persona: Tata, Yu i Spiritu Santu. E tres divino Personanan ta un solo Dios pasobra kada un di nan ta idéntiko na e plenitut di e úniko i indivisibel naturalesa divino. Nan tres ta realmente distinto entre nan mes, pa nan relashonnan resíproko: e Tata ta engendrá e Yu, e Yu ta engendrá pa e Tata, Spiritu Santu ta prosedé di e Tata i di e Yu”. (CCIC, 48)
4. Trinidad ta e misterio sentral di e fe kristian
Sí, i e Resúmen ta splik’é di e forma: “E misterio sentral di fe i di bida kristian ta e misterio di Santísima Trinidad. Kristiannan ta batisá den nòmber di Tata i di Yu i di Spiritu Santu”. (CCIC, 44)
5. Iglesia a definí di forma berdadero e dògma di Santísima Trinidad
A definí e dògma di Trinidad den dos etapa, den e promé Konsilio di Nicea (325 D.C.) i e promé Konsilio di Constantinopla (381 D.C.).
Den e Konsilio di Nicea a definí divinidat di e Yu i a skirbi e parti di e Kredo ku ta okupá di djE. E konsilio akí a ser konvoká pa konfrontá e heregia arriana, ku a afirmá ku e Yu tabata un ser sobrenatural pero no Dios.
Den e Konsilio di Constantinopla a definí divinidat di