…….Fundashon Chabelita resientemente, na nòmber di komunidat di Kòrsou, a hasi entrega di un cheque simbóliko di Nafl. 100.000,– ku ta e montante ku e Fundashon a pone komo meta pa rekoudá pa rekonstrukshon di Pedro Luis Brion School. E skol, manera ta konosí, a ser kimá na luna di yüni di 2020 durante e disturbionan ku ta tin.

Fundashon Chabelita kier gradisí pueblo, empresanan, instansianan i ruman Fundashonan di Kòrsou ku a reakshoná masalmente ku nan donashon riba e yamada pa rekonstruí e loke a ser destruí. Esaki muy en espeshial mirando e echo ku sennan di Gòbiernu ta skars i e loke seguro ta kubri no ta sufisiente pa rekonstruí e totalidat di loke a ser kimá. Ku e sennan rekoudá e rekonstrukshon por kuminsá. Na lugá di e speelzaal ku a kima lo bini un sentro multi funkshonal ku lo no ta solamente na benefisio di e muchanan di e skol pero e bario di Kustbatterij i bisindario tambe.  Fundashon Chabelita ta yama Kòrsou kompletu danki di a kere den e proyekto i e loke ku e Fundashon ta para p’e. Esei ta: pa bini huntu komo komunidat, laga diferensha un banda i traha huntu na bienestar di nos muchanan.