10 versíkulo di Beibel tokante Matrimonio

Tin frasenan di Tèstamènt Bieu i Tèstamènt Nobo ku ta mustra nos beyesa di  Matrimonio.

 Pa Alejandro feregrino

Kiko Beibel ta bisa tokante Matrimonio? Katisashi di Iglesia Katóliko ta rekordá nos ku e promé buki di Santa Skritura ta esun di Génesis, ku ta konta e relato di kreashon di hòmber i muhé na imágen i semehansa di Dios, i ta serka ku e vishon di e “boda di e Lamchi”, den Apokalípsis.

“Di un ekstremo pa otro Skritura ta papia di Matrimonio i di su ‘misterio, di su institushon i di e sentido ku Dios a dun’é, di su orígen i di su fin, di su diverso realisashonnan a lo largu di historia di salbashon, di su difikultatnan ku a nase di piká i di su renobashon ‘den Señor’”, e teksto ta bisa.

A kontinuashon, nos ta presentá 10 frase kontené den diverso buki di Tèstamènt Bieu i Tèstamènt Nobo ku ta mustra nos beyesa di Matrimonio:

1. Despues SEÑOR Dios a bisa: ‘No ta bon pa e hende ta so. Mi ta bai traha un kompañero ku ta yud’é i ku ta pas kuné. (Génesis, 2,18).
2. P’esei un hòmber lo laga su tata i su mama pa uni ku su kasá i nan dos lo ta un. (Génesis, 2,24).
3. Es ku haña esposa, a kai den bon; el a risibí muestra di Dios su bondat (Proverbionan, 18,22).
4. Por dominá un hende, pero dos hende lo por duna resistensia, Ademas un kabuya iflèktu tres bia no ta kibra. fásilmente (Predikador 4,12).
5. Sinembargo den nos relashon ku Señor, ni muhé ni hòmber no por sin otro. Pasobra ounke ta bèrdat ku a krea muhé for di hòmber, na su turno hende hòmber a nase for di un hende muhé i Dios ta orígen di tur kos (1 Korintio 11, 11-12).
6. Hesus a kontestá nan: ‘Boso no a lesa ku na kuminsamentu, Kreador a krea nan hòmber i muhé? 5I El a bisa: “P’esei un hòmber ta bai laga su mama i su tata pa uni ku su kasá i nan dos lo bira ún.” 6Asina nan lo no ta dos persona mas sino ún. Ke men hende no mag separá loke Dios a uni den matrimonio. (Mateo 19:4-6).
7. Hòmbernan, stima boso esposa, manera Kristu a stima iglesia i a entregá su bida p’e. (Efesionan5, 25)
8. Prinsipalmente, stima otro sinseramente, pasobra amor ta tapa un multitut di piká. (1 Pedro 4,8).
9. Tur hende respetá matrimonio, i esposo i esposa keda fiel na otro. Pasobra Dios lo husga esnan ku ta praktiká inmoralidat seksual i ta kometé adulterio. (Hebreonan 13, 4).
10. Sinembargo den nos relashon ku Señor, ni muhé ni hòmber no por sin otro. Pasobra ounke ta bèrdat ku a krea muhé for di hòmber, na su turno hende hòmber a nase for di un hende muhé i Dios ta orígen di tur kos ”. (1 Korintionan, 11: 11).