10 outo a aksidenta riba brùg Juliana

Willemstad – Awe den kareda di algu pa unu di mardugá, tabatin dos aksidente di kual vários outo tabata envolví. E promé tabata riba Romulo Betancourt Blvd ku kuater outo envolví. Un persona den un di e outonan tabata heridá i mester a haña atenshon médiko. Un poko mas ariba, esta na banda di brùg Juliana tabatin otro aksidente di kual no ménos ku 15 outo envolví. Aki tambe un persona mester a risibí tratamentu médiko. Personal di ambulans, brantwer i di kuerpo polisial a akudí na e sitionan pa atendé ku e situashonnan.