10 dato ku tur katóliko lo mester sa tokante Beibel

Pa Cynthia Pérez | ACI Prensa
A kontinuashon 10 dato tokante Sagrada Beibel ku kisas bo no tabata konosé i ku mas ta satisfasé bo kuriosidat, lo por yuda bo den bo apostolado:
1. Beibel ta bini di latin “bibl-a”, i e término akí ta prosedé di griego âéâëßá (biblía), ku ta nifiká “bukinan”.
2. Beibel ta konsistí di 73 buki. Den Tèstamènt Bieu nos tin 46 buki i den Tèstamènt Nobo, 27.
3. Beibel a ser skirbí den tres idioma. E parti mas grandi di Tèstamènt Bieu a ser skirbí den hebreo i algun parti den arameo. Tèstamènt Nobo a ser skirbí den griego, e lenga komunmente papiá.
4. Den Beibel tin al ménos 185 kansion, pasobra den e tempu ei e pueblo tabata kanta tokante Dios òf e eventonan den su alrededor. Por lo ménos tin 150 kansion den e buki di Salmonan i den e Tèstamèntnan .
5. Beibel a ser skirbi pa mas di 40 outor, entre nan tin personanan di diverso kondishon i posishon manera profetanan, reinan, evangelistanan, apòstelnan, etc.
6. E buki mas largu di Beibel ta Yeremias i esun mas kòrtiku ta e karta di Huan.
7. Beibel a ser skirbi pa personanan di distinto okupashon: reinan, agrikultornan, piskadónan, profetanan, un doktor, un doktor di lei, entre otro.
8. Beibel a ser skirbí den tres kontinente. Mayoria a ser skirbí den loke awe ta Israel (Asia); pero algun pasashi a ser skirbí den Egipto (Afrika) i a skirbi vários epístola di Tèstamènt Nobo den siudatnan di Europa.
9. Den Beibel tin mas di 40 milager di Hesus, ku ta inkluí sanashonnan, eksorsismo, resurekshon di mortonan i kòntròl riba naturalesa.
10. E buki mas antiguo di Beibel no ta Génesis, manera hopi ta kere, sino e buki di Yob, skirbí aproksimadamente den aña 1400 A.C.