1. IN SYNERGIA UNANIMUS

Por tin algu kontra koperashon, si tur partisipante ta gana? Por ehèmpel, si Aruba, Kòrsou y Boneiru ta disidí pa koperá den ramo di edukashon avansá ku resultado ku lo tin mihó kalidat, mas oportunidat pa ménos sèn, no ta asina ku solamente lokonan lo rechasá esaki?
Sin embargo, nos islanan de facto ta rechasando esaki awor aki.
Sinergia ta e prinsipio di koperashon ku ta produsí un resultado mas grandi ku e sòm produsí pa mesun tantu hende ku no to koperá. Of por bisa: ‘e totalidat ta mas ku e sòm di su partinan’.
Bisá simpel, sinergia ta nifiká: 1 + 1 = 3.
Y si nos ta apliká esaki